Gigi Hadid ka tashmë një “Barbie” me imazhin e saj!
Kompania e famshme e kukullave zbuloi se një kukull e re do të krijohej në nder të 21-vjeçares, për bashkëpunimin e saj të dytë për koleksionin e Tommy Hilfiger, që do të prezantohet sot në Los Angeles.
Në “Instagram”-in e markës, kukulla Gigi dhe Barbie origjinale shfaqen përkrah njëra-tjetrës, ku bëjnë “selfie” në plazhin Venice, aty ku do të mbahet edhe shfaqja, ndërsa mbajnë të veshura bluzë me logon e Tommy dhe pantallona të shkurtra xhinse.
Modelja postoi një foto të kukullës së saj, ndërsa shkroi: “Nuk më besohet që kjo jam unë!”.
Marka bëri promocion të ngjashëm për koleksionin e parë Tommy x Gigi në shtator.
Kjo nuk është hera e parë që Hadid “bëhet” edhe si kukull. Por ndryshe nga e para kur u shfaq përkrah motrës Bella, në dhjetor për shfaqjen e “Victoria’s Secret”, kukulla e re duket se i ngjan më shumë modeles.
Burimi: Harper’s Bazaar
