Feministja dhe aktivistja Zana Avdiu “godet” përsëri me deklaratat e saj! Kësaj here ajo i është kthyer një paneli të të tërë të ftuarish në emisionin “Opinion”.
Ajo ishte e ftuar në emision së bashku me pastorin Akil Pano, Endia Bozhekun, Fabian Zhillën dhe ekspertin e të dhënave Blerim Gjeladinin, për të folur për gjuhën e urrejtjes.
Gjatë emisionit u prekën disa statuse të Avdiut, për Granit Xhakën dhe për rastin e Librazhdit. Teksa të ftuarit po diskutonin statusin e saj, ajo deklaroi se shoqëria shqiptare ka dy probleme serioze që janë shkak i dhunës dhe çdo fenomeni negativ. Madje ajo iu drejtua të ftuarve duke iu thënë që “i vjen keq për nivelin e ty.”
Avdiu u shpreh se kjo shoqëri moralin e ka mes këmbëve të gruas dhe krenarinë mes këmbëve të burrit.
Zana Avdiu: Dy probleme i ka kjo shoqëri, dhe dhuna e gjithçka që ndodh në këtë shoqëri është për dy çështje. Moralin e ka mes këmbëve të gruas dhe krenarinë mes këmbëve të burrit. Kjo është çështja! Krenohen me burrat me atë çështje dhe sinqerisht më vjen keq për nivelin tuaj. Më vjen keq…
Fabian Zhilla: Ku e bazon ti këtë, mos na trego nivelin…
@shqipet_neperbot_1 #opiniontvklan #tvklanalbania #shqiptaretneperbote🇦🇱🌍 #viratqr #tvklan ♬ original sound – Shqipet🇦🇱👑
Zana Avdiu gjithashtu u përplas me Enida Bozheku, në një debat lidhur me statusin e aktivistes për veprimin e Granit Xhakës ndaj lojtarit serb në ndeshjen e Botërorit. Eksperti Gjeladini u shpreh se Avdiu ka marrë reagime pozitive nga serbët për statusin e saj, ndërsa Bozheku u tha me ironi “armiku i armikut tim është miku im”. Kjo ‘ndezi’ gjakrat mes dy të ftuarave pasi Avdiu nuk e cilëson veten armike të shqiptarëve dhe i thotë Bozhekut t’i kërkojë falje, ndërsa ajo kundërshton.
Zana Avdiu: Nuk jam armike e shqiptarëve dhe kisha pasur shumë qejf që të kesh kujdes dhe të kesh një gjuhë korrekte sepse të thuash “armiku, armiku yt është miku im” është një nxitje urrejtjeje këtu në studio kundër meje. Tani do kërkosh falje sepse unë nuk jam armik i shqiptarëve.
Enida Bozheku: Nëse do sherr, bëjmë sherr.
Zana Avdiu: Nuk jam armik i shqiptarëve dhe unë flas çdo ditë, punoj çdo ditë për të mbrojtur këtë vend, për të mbrojtur Kosovën. Duhet ta tërheqësh dhe të kërkosh falje.
Enida Bozheku: Jo, nuk të kërkoj falje njëherë se unë faljen e konsideroj të shenjtë dhe e jap atëherë kur realisht gaboj dhe duhet ta jap dosido, e para. E dyta, më dëgjo argumentin.
Zana Avdiu: Nuk jam armike e shqiptarëve.
Enida Bozheku: Tani nëse do të më sulmosh dhe të bësh zhurmuesin, fol. Unë bëra një batutë, quhet batutë, ironi, sarkazëm, janë tre elemente që lidhen me leksikun dhe gjuhën e komunikimit.
Zana Avdiu: Jo në këtë rast.
Enida Bozheku: “Armiku i armikut tim” lidhet me Serbinë sepse në mendësinë, ne flasim në aspektin kriminal më të zgjeruar se ajo çka po thua ti, ku mendësia e atij tjetrit që e konsideron zotin Xhaka për arsye të mirëditura, s’ka nevojë t’i përsëris këtu, historike dhe të të gjitha gjërave që ka kaluar historia e shpejtë e shqiptarëve të Kosovës, se janë shqiptarë të Kosovës të mos e harrojmë, të cilët serbët në një moment të atillë kur gjejnë tek ti një shprehje të tillë që sulmon në një moment të tillë entuziazmi Granit Xhakën për një veprim të tillë…
Zana Avdiu: Nuk sulmoj, nuk ka qenë sulm.
Enida Bozheku: Pusho, tani po flas unë.
Zana Avdiu: Jo, jo po flet për rastin tim.
Enida Bozheku: Po flas unë, po të jap shpjegimin teknik si përdoret në gjuhës si përdoret “armiku i armikut tim është miku im”. Ky është një term që është përdorur që në kohë të luftërave. Të këshilloj të lexosh Napoleonin, Atilën, kë të duash ti, të jap një sërë me libra dhe lexo kë të duash ti. U kuptuam?
