Khloe Kardashian ka qenë në qendër të kritikave kohët e fundit për shkak të ndryshimit të saj në pamje nga viti në viti. Fansat kanë vënë në pah të gjitha ndryshimet që ka pësuar fytyra e saj që nga seria e parë e Keeping Up With The Kardashians, që u transmetua para 14 vitesh dhe deri më sot.
“Çfarë po i bën Khloe fytyrës?”, shkroi dikush në Twitter pas episodit të fundit të KUWTK.
Siç duket këto komente i kanë ardhur Khloe-s në majë të hundës dhe ajo ju ka kthyer një përgjigje të mirë të gjithëve. Ylli i Keeping Up With The Kardashians, ka ndarë në rrjete sociale disa shprehje që hapur duken si një kundërpërgjigje për komentet negative.
“Herës tjetër që dikush përpiqet të të ulë poshtë, kujto se besimi është i heshtur, ndërsa pasiguritë flasin me zë të lartë”, shkruhej në një postim.
“Mbaje mend se nuk do të kritikohesh kurrë nga dikush që po bën më shumë se ty. Do të kritikohesh vetëm nga dikush që bën më pak se ty”, thuhej në një tjetër shprehje.
Këto postim vijnë pasi Khloe foli hapur për ndjesitë e saj në lidhje me kritikat në episodin e fundit të KUWTK.
“Kam arritur në një pikë aq tq vështirë ndaj publikut që mendon se i lejohet të flasë për peshën time, fytyrën time dhe jetën time personale. Në fakt nuk dua ta dëgjoj më këtë gjë. Kam qenë gjithmonë shumë e hapur me këtë spektakël dhe jetën time, por mendoj se kjo gjë nuk është më e shëndetshme për shpirtin tim”, tha Khloe para partnerit të saj Tristan Thompson.
