Fifi dhe Granit Cana po komentoheshin prej ditësh se mes tyre mund të lindte diçka më shumë se thjesht miqësi brenda ambienteve të shtëpisë më të famshme në Shqipëri.
Ata kanë shfaqur herë pas here afrimitet mes tyre, gjë që i ka nxitur këto zëra. Në këtë raport mes dyshes nuk ka munguar as xhelozia nga ana e Fifit.
Madje, prej ditësh është pritur gjithashtu që dyshja të shkëmbejë një puthje në buzë, gjë që nuk ndodhi kurrë.
Për më tepër, gjërat kanë marrë tjetër rrjedhë para pak kohësh në “Big Brother VIP”.
Graniti vendosi të sqarojë marrëdhënien e tij me Fifin. Ai është shprehur se e do shumë si person, por s’e sheh të ndodhë diçka mes tyre.
“I thashë që e dua shumë si person, por smund të ndodhi diçka mes nesh”, ka pohuar Graniti teksa i ka treguar banorëve situatën.
Pas kësaj deklarate, Fifi nuk është ndjerë aspak mirë, derisa është sqaruar me Granitin. Ky i fundit i ka thënë se nuk ndjen asgjë as për vajzat që janë pjesë e “BBV”.
Së fundmi Graniti ka zgjedhur të tregojë për Fifin dhe Ilirin historinë e tij të dashurisë me një vajzë nga Peja.
“Kam bashkëjetuar me një vajzë nga Peja. U shpenzuam shumë me njëri- tjetrin pasi rrinim gjithë ditën bashkë. Erdhi një moment që gjithçka u bë toksike. Ama ka qenë diçka shumë e fortë”, tha Graniti.
Konkurrenti ka treguar se ajo ka qenë shumë xheloze, duke shtuar se ajo ka qenë e vetmja vajzë që e ka dashuruar me të vërtetë.
Teksa e dëgjonte, Fifi tha se vajzat nga Peja janë më të bukurat e Kosovës.
View this post on Instagram
