Xhensila Myrtezaj është padyshim një nga këngëtaret më të preferuara të publikut shqiptar dhe këtë e kanë treguar gjithmonë shifrat e klikimeve në këngët e saj. Vit pas viti Xhensila ka realizuar dhjetëra hite dhe shpesh ka bashkuar forcat me artistët më në zë për të sjellë projektet më të bukura muzikore.
Mësohet se artistja shumë shpejt do të vijë dhe si një ‘bussines woman’. Burime për “Prive” kanë konfirmuar se Xhensila prej kohësh po punon në një sipërmarrje të re.
Thuhet se brenda pak muajsh këngëtarja do të lancojë linjën e saj të produkteve të kujdeesit për lëkurën së bashku me hapjen e një klinike estetike në Tiranë.
Xhensila nuk ka dhënë detaje dhe ka preferuar ta mbajë surprizë këtë detaj të rëndësishëm.
Përsa i përket muzikës, dueti i fundit që ajo solli ishte me Ardian Bujupin në verën e vitit të shkuar, që u kthye shumë shpejt një super hit. “Panorama” vazhdon të dëgjohet ende dhe sot e pavarësisht se nuk kishte klube të hapura ku mund të luhej, kënga rezultoi si më e suksesshmja e 2020-s.
Për këtë vit, këngëtarja ka përgatitur një tjetër surprizë që do të vijë shumë shpejt. Ajo do të bashkëpunojë me Getoarin dhe Majk. Sipas burimeve kënga është në punim e sipër dhe do të publikohet gjatë muajve në vijim, por ende nuk ka një datë të saktë. Gjithashtu thuhet se Xhensila do të sjellë edhe projekte të tjera solo e bashkëpunime, që po ashtu mendohet se do të jenë shumë të suksesshme.
