Nuk kishte dyshim që emri i Bleona Qeretit në listat e kandidatëve për Këshillin Kombëtar të Partisë Demokratike do bënte jo pak bujë.
Ka qenë vetë Bleona si fillim e cila ka folur për këtë çështje duke u shprehur se nëse do punonte për ndonjë qeveri nuk do ishte për atë shqiptare por për qeverinë amerikane.
“Kam lindur në Shqipëri por jam një qytetare amerikane. Unë e dua Shqipërinë por besnikëria ime është ndaj Shteteve të Bashkuara të Amerikës, vendit tim! Nëse do të punoja ndonjëherë për një qeveri, do të punoja vetëm për qeverinë e Shteteve të Bashkuara të Amerikës!”
Kjo deklaratë e saj nuk është pritur aspak mirë dhe ka qenë pikërisht Evi Kokalari që ka shprehur mendimin e saj mjaf të ashpër. Ajo ishte e indinjuar se kush e kishte propozuar atë për këtë pozicion sepse ajo nuk është imazhi që partia kërkon të ndërtojë për prezantimin e vlerave të Kuvendit.
Ajo shtoi se- “Do doja të shikoja intelektualë dhe shkrimtarë e artistë si Inva Mula dhe Visar Zhiti, etj në këshill. Ose merreni PD në seriozisht ose mos na humbni kohën kot. Jam pa fjalë”!
Akoma mbetet e paqartë se kush e regjistroi emrin e Bleona Qeretit në këto lista dhe nëse ajo ishte në dijeni apo jo.
