Një deklaratë e Angelina Jolie kundër Brad Pitt në gjykatë e bërë publike së fundmi ka nxjerrë në pah një sherr të ish-çiftit i cili daton në vitin 2016.
Aktorja e akuzon Brad Pitt për dhunë ndaj saj dhe jo vetëm edhe fëmijëve të tyre. 6 vite më parë teksa dyshja po fluturonin nga Franca për në shtëpinë e tyre në Los Angeles, kanë debatuar rëndë, ngjarje që ka përfunduar në ofendime, sharje dhe dhunë fizike.
Jolie pretendon se gjatë bisedës së tyre, Brad ka tentuar ta godasë, dhe në këtë moment për ta ndaluar kanë ndërhyrë fëmijët e tyre. Në këtë ndërhyrje, aktori ka plagosur njërin nga fëmijët, teksa ka goditur tjetrin në fytyrë.
Pasi ky lajm mori dhenë, ka reaguar edhe Pitt.
Një burim pranë aktorit të njohur është shprehur se Angelina Jolie është në një fushatë shpifjeje kundër Brad. I njëjti burim shtoi se sipas Pitt fëmijëve të tyre i është bërë një shpërlarje truri nga Angelina, e cila i ka bërë të besojnë që babai i tyre është abuzues.
Më tej, Brad Pitt ka treguar se për shkak të kësaj, ai prej disa kohësh tashmë nuk ka të njëjtën marrëdhënie me fëmijët.
Sipas hetimit të FBI-së, akuzat E bëra nga Angelina Jolie disa ditë më parë kundër Pitt ishin të pamjaftueshme për të ecur përpara me një ndjekje penale. TMZ gjithashtu raporton se kishte një hetim nga Departamenti i Shërbimeve të Fëmijëve dhe Familjes që u përfundua për shkak të mungesës së provave.
