Camila Cabello po i jep dashurisë një shans!
Këngëtarja 25-vjeçare ka konfirmuar romancën e saj me CEO-n 30-vjeçar të “Lox Club”, Austin Kevitch. Pas disa javësh thashetheme për lidhjen e tyre, dyshja u fotografuan së bashku për herë të parë në qershor.
Çifti u fotografua duke shëtitur nëpër Los Angeles dhe dukeshin shumë të dashuruar me njëri-tjetrin. Megjithatë dyshja ende nuk e kanë bërë publike lidhjen e tyre në rrjetet sociale.
Camila dhe Austin u panë duke u kapur për dore dhe duke ndarë një puthje. E ndërsa Camila ka shmangur thashethemet për lidhje gjatë intervistave të fundit, ajo së fundmi tha se ndihej mirë për takimin me dikë të ri pas ndarjes së saj me Shawn Mendes.
Cabello dhe Mendes u lidhën për herë të parë në korrik 2019 dhe kanë patur një prej romancave më të përfolura.
Megjithatë, çifti konfirmoi zyrtarisht lajmet e ndarjes në nëntor 2021.
“Hej, ne kemi vendosur t’i japim fund marrëdhënies tonë romantike, por dashuria jonë për njëri-tjetrin si njerëz është më e fortë se kurrë,” thanë ata në një deklaratë të përbashkët në atë kohë.
“Ne e filluam lidhjen tonë si miq më të mirë dhe do të vazhdojmë të jemi miqtë më të mirë. Ne e vlerësojmë shumë mbështetjen tuaj që nga fillimi dhe për të ecur përpara. Camila dhe Shawn.”
