Ish-i dashuri i Kylie Jenner, Travis Scott, është parë së fundmi në shoqërinë e një vajze misterioze në Los Angeles.
Gjatë ditës së djeshme ai është parë së bashku me një vajzë misterioze, ndërsa hynin në një ndërtesë.
29-vjeçari u vërejt me një veshje si përherë unike. Dukej se vajza ndiqte artistin nga ku ai lëvizte.
Ndërkohë, bukuroshja që po shoqëronte Travis ishte veshur me një bluzë të kuqe me mëngë të gjata.
Muzikanti e ka mbajtur jetën e tij romantike mjaft private që nga ndarja nga me Kylie Jenner.
Kylie dhe Travis nisën një lidhje bashkë në vitin 2017 dhe në shkurt të 2018 pritën vajzën e tyre të parë. Më pas në tetor të 2019, Kylie Jenner konfirmoi se ishte ndarë nga reperi, por do të kujdeseshin të dy për vajzën e tyre.
Kujtojmë se dyshja e nisën vitin 2021 në shoqërinë e njëri-tjetrit. Dyshja u fotografuan bashkë me vajzën e tyre Stormi-n duke festuar Vitin e Ri në një vend turistik. Ata kanë bërë ski me vogëlushen e tyre dhe sigurisht kjo ka qenë një arsye më shumë që ju ka përforcuar fansave mendimin se ata janë ribashkuar.
Megjithatë duket se e vërteta nuk ishte kështu, sepse burime pranë dyshes treguan se ata nuk janë rikthyer me njëri-tjetrin.
