Rita Ora ka dhënë një intervistë për ‘British Glamour’ dhe ka dhënë përgjigjen e saj për ata që e gjykojnë për zgjedhjet e saj të guximshme stilistike. Siç thotë këngëtarja e njohur, i gjithë ky sulm që merr është mizogjen.
Ylli i popit u shpreh për faktin se gratë në industrinë e argëtimit “trajtohen ndryshe” për sa i përket si vishen dhe si sillen.
“Kam kaluar gjithë karrierën time: të më gjykojnë njerëzit për atë që kam veshur, duke thënë: “Ajo është shumë e zhveshur- Më duket jashtëzakonisht mizogjene”, tha Ora.
Këngëtarja 32-vjeçare shtoi gjithashtu se e ka admiruar gjithmonë Madonën, pasi ajo është e patrembur kur bëhet fjalë për modën dhe opinionet e saj.
“Ajo e dinte se jo të gjithë do të pajtoheshin me të. Dhe gjithsesi e bëri”, tha Ora duke vijuar, “Unë e falënderoj për këtë, sepse më lejoi të jem më e çliruar dhe pak më e patrembur me gjëra të tilla si: si të vishem dhe të them atë që dua. Unë nuk jam perfekt, por mendoj se kjo është ajo që pëlqejnë më shumë fansat e mi”.
View this post on Instagram
Dasma dhe fustani i nusërisë
Në intervistë ajo zbuloi më shumë detaje rreth martesës së saj me regjisoren Taika Waititi duke përfshirë historinë e fustanit të nusërisë që veshi në ditën e saj të madhe.
“Gjithmonë kam dashur që Tom Ford të jetë në dasmën time”, tha Ora. “Ai është një nga stilistët e mi të preferuar të të gjitha kohërave. Nuk kam harruar një fustan që pashë në një sfilatë në vitin 2018. Ishte një fustan i bardhë, dantelle, me një vello të gjatë që prekte dyshemenë. Ishte si nga një film. Shkova në dyqanin Tom Ford për të parë nëse kishin fustane nusërie. Dhe ata kishin këtë fustan nusërie. Kaq e çuditshme. Nuk po bej shaka. Ishte i vetmi fustan që doja dhe ishte aty, gati. Dhe më përshtatej. Ishte e shkruar te ishte.”
Ylli i pop-it ende nuk ka ndarë foto të veshjes së saj apo ceremonisë nga dasma.
