Ariana Grande është një nga emrat më të sukseshëm të muzikës në dekadën e fundit. Në pak kohë ajo arriti të ndërtonte një karrierë mjaft të suksesshme dhe të renditej si një ndër artistet më të mira.
Por a jeni kuriozë të dini se si dukej ajo para famës, kur ishte vetëm një vogëlushe e vockël fare?
Me rastin e 28-vjetorit të saj të lindjes ka zgjedhur që të publikojë një foto mjaft të këndshme nga vitet e para të jetës. Me postimin e këtij imazhi, urimet dhe komentet nga miqtë e fansat kanë vërshuar menjëherë në Instagram-in e artistes.
Ajo vazhdon të thyejë rekorde dhe më herët ka fituar titullin e 20-të në rekordet Guinness.
Vlerësimi më i ri për artisten është “debutimi i shumicës prej këngëve të saj në Nr.1 në Billboard Hot 100” me pesë këngë të renditura në kryer të listës botërore.
“Ajo që bëri të fitojë edhe një rekord të ri është si e vetmja artiste që e ka arritur këtë në histori. Triumfet e saj vijnë pas hapave mbresëlënës që ka bërë në industrinë e muzikës, të filluar qysh në adoleshencë”, thuhet në një njoftim.
Ariana ka fituar dhe disa tituj të tjerë shumë të rëndësishëm në Rekordet Botërore të Guinness si: Artistja femër më e dëgjuar në Spotify brenda një jave, Artistja femër më e ndjekur në Spotify, Artistja femër me më shumë subscribers në YouTube, Artistja me albumin më të dëgjuar brenda një jave në ShBA etj.
