Një atentat me armë zjarri u shënua mbrëmjen e kësaj të marte në Tiranë në zonën e Kinostudios.
Një person që udhëtonte me makinë është qëlluar për vdekje në ecje e sipër në makinën e tij tip BMW X5 rreth orës 22:20.
Sipas Policisë, ngjarja ka ndodhur në rrugën Xhanfize Keko, që lidh zonën e Freskut me zonën e Kinostudios, një zonë me shumë pak trafik në atë orë.
Mësohet se autori, apo autorët e krimit e kanë ndjekur viktimën dhe kanë gjetur pikërisht atë moment dhe atë vend për të ekzekutuar personin të identifikuar me emrin S.Malko.
Sipas Policisë, viktima ka qenë një ish-polic dhe në vitin 2016 dhe është larguar nga radhët e policisë. Por, ai mësohet se ka pasur konflikte për shkaqe bixhozi me dy persona të tjerë.
Autori i ngjarjes nuk është zbuluar ende dhe policia po punon për zbardhjen e ngjarjes.
Thuhet se autori është larguar drejt zonës së Freskut, menjëherë pas vrasjes.
