Të papriturat mund të jenë tepër të zakonshme në një emision që transmetohet drejtpërdrejt. Diçka e ngjashme i ka ndodhur Bieta Sulos ditën e sotme në programin e saj, “Ftesë në 5”, që transmetohet çdo ditë në ekranin e “Top Channel”. Moderatorja kishte të ftuar një vlogere, Adisa Gjomemo, e cila realizon video të ndryshme dhe i publikon më pas në kanalin e saj në “Youtube”.
Gjatë emisionit, Bieta e pyeti të ftuarën “Sa para fiton nga videot” dhe pikërisht këtu ndodhi ajo që moderatorja nuk e priste. Vlogerja u largua nga emisioni dhe u shpreh se nuk mund të pranonte që Bieta të bënte të tilla pyetje, pavarësisht se kishte shumë respekt për të. Adisa doli nga emisioni dhe Bieta u vendos në siklet. Moderatorja mbeti e habitur nga ky veprim i së ftuarës dhe vendosi që të vazhdonte me rrjedhën e programit.
Mirëpo pas disa sekondash vlogerja u rikthye sërish në studio dhe u shpreh se e gjithë kjo ishte një lojë për Bietën dhe shpjegoi se njësoj vepron edhe në videot që publikon në “Youtube”. Më pas Bieta u lehtësua dhe tregoi se ishte habitur shumë nga veprimi i Adisës dhe se po mendonte si të justifikonte sjelljen e saj në emision. E gjithë situata më pas u kalua me të qeshura dhe shumë sportivitet.
View this post on Instagram
