Mbarë opinioni shqiptar u trondit ditën e djeshme nga lajmi i vrasjes së 23-vjeçarit shqiptar, Viktorian Picakut, në mes të sheshit Abbazia, në Corato të Barit. Dy persona e ndoqën të riu dhe e qëlluan me dy plumba në kokë, një në mushkri dhe një në këmbë duke e lënë të vdekur në vend.
Menjëherë pas krimit dy ekzekutorët u larguan nga vendngjarja duke mos lënë gjurmë pas. Sipas media italiane deri më tani dyshohet se ky është një krim pasioni pasi shqiptari më parë kishte mbrojtur një vajzë.
Ditën e sotme autoritet italianë kanë deklaruar se dy autorët të cilët u vunë në kërkim, janë vetëdorëzuar në polici. Identiteti i tyre nuk është bërë ende i ditur, por është zbuluar se në deklaratat e tyre ata kanë treguar se nuk donin ta vrisnin, por thjesht ta trembnin 23-vjeçarin.
Burimi: Panorama
