Një ngjarje e rëndë ndodhi ditën e djeshme në Kretë, Greqi, ku Nikolla i vogël u mbyt në det.
Pasi kishte marrë leje tek nëna e tij dhe kjo e fundit nuk i kishte dhënë, Nikolla u largua fshehurazi.
Gjatë kohës që djali u largua fshehurazi nëna e tij po kujdesej për foshnjen të cilën e kishte sjellë në jetë pak muaj në parë. Më pas ajo kishte dalë për të kërkuar të birin i cili i kishte humbur nga sytë, por ishte tepër vonë…
Sipas raportimeve deti ishte i trazuar dhe një dallgë e fortë kishte tërhequr djalin dhe për pasojë ai u mbyt.
Pas kësaj, Policia ka arrestuar nënën nën akuzën “Vrasje nga pakujdesia” e cila më vonë është liruar me urdhër të prokurorit.
“Prindërit e kërkonin, ai doli nga shtëpia pa e kuptuar. Ky fëmijë e donte shumë detin, shkonte rregullisht në det. Ai u gjet vetëm dhe kur e zbuluan ishte tepër vonë”, tha Pavlos Baritakis, kryebashkiak i Viannos.
Nikolla ishte me origjinë nga Shqipëria dhe prindërit e tij punonin në serra për të siguruar kushtet e fëmijëve të tyre. E vetmja dëshirë që ata tanimë kanë është varrimi i të birit në vendlindje por gjendja financiare e tyre nuk mund të përballojë dot asgjë.
Shoqata e Zbukurimit të Arsimit Kulturor Arvi, bën të ditur se merr përsipër shpenzimet e transportit dhe varrimit të Nikollës në vendlindje, teksa po nisin një mbledhje fondesh në mënyrë që të sigurojnë para për sjelljen e trupit të pajetë në Shqipëri dhe varrimin e tij.
