Një studim i ri ka dalë në përfundimin se veshjet e grave kanë xhepa shumë më të vegjël sesa ato të meshkujve, duke i bërë ato krejtësisht jopraktike.
Hulumtimet e bëra nga The Pudding zbuluan se mesatarisht, xhepat në xhinseve e femrave ishin 48 për qind më të vegjël dhe 6.5 për qind më të ngushtë se ato në xhinset e meshkujve.
Ekipi i studiuesve analizoi madhësinë e xhepave të 80 xhinseve nga 20 markat kryesore të modës, duke përfshirë Calvin Klein, H & M, Levi, Wrangler dhe Ralph Lauren dhe gjeti se në tërësi, xhepat e grave ishin shumë më të vegjël, domethënë thjesht estetikë.
Ata testuan se cilët nga artikujt klasikë të xhepit, si çelësat, telefonat dhe kuletat, mund të futeshin në xhepat e meshkujve dhe femrave dhe zbuluan se vetëm 40 për qind e xhinseve të grave mund të fusnin një iPhoneX në xhepin e përparmë dhe vetëm 20 për qind mund të mbajnë një Samsung Galaxy.
Ndërkohë, çdo palë xhinse burrash mund të përshtateshin me një iPhoneX brenda xhepit të përparmë dhe 95 për qind mbanin një Samsung Galaxy.
Studimi zbuloi se xhepat më të mëdhenj të xhinseve të grave janë ato të bëra nga Abercrombie & Fitch, e ndjekur nga American Eagle dhe H & M.
