A mendoni se kur jeni të etur, mënyra më e mirë për të qëndruar të hidratuar është të pini një gotë ujë? Përgjigja është jo! Sipas një studimi të Universitetit të St. Andrews, Skoci, qumështi është pija që i siguron trupit hidratimin më të mirë dhe afatgjatë.
Studiuesit zbuluan se uji bën një punë mjaft të mirë për të rihidratuar shpejt trupin, por pijet me pak sheqer, yndyrë ose proteina bëjnë një punë edhe më të mirë për të na mbajtur të hidratuar për më gjatë.
Hulumtimet kanë zbuluar se qumështi është edhe më hidratues se uji i thjeshtë pasi përmban laktozë, proteina dhe yndyra, të cilat ndihmojnë në ngadalësimin e zbrazjes së lëngjeve nga stomaku dhe ju mbajnë të hidratuar për një hapësirë më të gjatë.
Qumështi gjithashtu ka natrium, i cili vepron si një sfungjer dhe mban ujë në trup, duke rezultuar në prodhimin e më pak urine.
