Soni Malaj është një këngëtare kaq shumë e dashur dhe e komentuar. Së fundmi ajo ka publikuar një Instastory ku na ka treguar se ka dy ditëlindje.
Soni ka treguar se ka marrë një urim për ditëlindje dhe plot humor shkruan: “Kur në pasaportë është shënuar datë tjetër lindje dhe ne certifikatë tjetër, praktikisht kam dy ditëlindje”.
Mirëpo, kujtojmë se këngëtarja feston ditëlindjen e saj në tetor por në pasaportë paska tjetër datë.
Më herët, Soni mori vëmendje të madhe pasi ish-partneri i saj i bëri një urim publik mjaft të ëmbël.
Në fakt në rastin e Sonit dhe Mirkos nuk është ndonjë habi pasi shpesh herë e kanë treguar marrëdhënien e tyre të mirë pas ndarjes. Dyshja kanë edhe një vajzë, Anën së bashku.
Më herët e pyetur në një intervistë në lidhje me marrëdhënien e saj me babain e vajzës, Soni u shpreh:
“Me babain e vajzës sime nuk jetojmë në një shtëpi, por për lumturinë e Anës ne jemi shokë, bashkëpunojmë me njëri-tjetrin, për surpriza të ndryshme për Anën, për lumturinë e Anës. E vëmë primare lumturinë e Anës, pavarësisht që nuk jetojmë me njëri-tjetrin dhe mendoj që kështu duhet të jetë edhe për çiftet, mamin dhe babin që nuk jetojnë në të njëjtën shtëpi kur kanë fëmijë. Është shumë mirë që të kenë një gjuhë të përbashkët dhe të merren vesh për lumturinë e fëmijës”.
Kujtojmë që Soni dhe Mirko u njohën gjatë spektaklit të njohur “Dancing with the stars Albania”, ku këngëtarja ishte konkurrente asokohe.
