Jonida Vokshi është një nga personazhet publikë më të dashur të showbiz-it shqiptar.
Bukuroshja është bërë pjesë e ekranit në një moshë shumë të re dhe duhet thënë se është ndër vajzat e televizionit që nuk ka prekur asgjë në portret që nga fillimi i karrierës. Jo më kot është cilësuar si një nga moderatoret e aktoret më simpatike dhe vazhdon ende të mbajë këtë titull që është bërë nënë e një vajze.
Së fundmi ajo ka qenë e ftuar në emisionin “Natën me Aulonën” ku dhe ka treguar eksperiencat e saj gjatë karrierës si pjesë e ekranit. Ndër të tjera, ajo ka treguar se është përpjekur gjithmonë që në punë të priste momentin e saj.
“Nuk kam preferuar të futem në territore ku ndiej rrezikun, as për t’i marrë dikujt vendin kur më është ofruar, sepse kam menduar për X arsye personi tjetër e meriton më shumë se mua dhe kam pritur momentin tim, dhe kjo më ka ndodhur kur isha edhe e vogël, dhe mund të më kapte euforia”, tha aktorja.
E pyetur për të dhënë emrat e disa produksioneve, Jonida tregoi pa hezitim:
“Ka qenë ‘Top Select’, prapaskenat e ‘Top Fest’, ‘Portokalli’”.
Bukuroshja tregoi se edhe pse ishte brenda profesionit i dukej “kafshatë e madhe”, nisur kjo eksperienca dhe nga mosha.
