Nëna e 13-vjeçares së përdhunuar në Vërdovë të Pogradecit, ka folur për Report tv dhe ka treguar sesi e mësoi që e bija përdhunohej sistematikisht nga 46-vjeçari.
Ajo shprehet se kishte besim te familja e tij, që po kujdesej për vajzën, e cila po qëndronte te shtëpia e tyre, pasi prindërit e saj ishin në gjendje jo të mirë shëndetësore dhe ekonomike.
Referuar dëshmisë së nënës, me familjen e 46-vjeçarit njiheshin prej 2 vitesh, por abuzimi seksual nuk ka ndodhur që atëherë. Ajo tregon se vetëm 2 ditë më parë, vajza në mbrëmje i kishte thënë se ishte shumë e mërzitur “po luante mendsh” dhe pastaj i kishte rrëfyer se çfarë i kishte ndodhur.
“Ne e kishim të besuar, që po rrinte vajza me vajzën e tij, me të ëmën, me atë, ne e dinim familje të besuar. Vinte vajza ime e mërzitur, çfarë ke bir i mamit? Nuk shpreheshe… Pastaj tha mami kështu kështu që në nëntor, kemi dy vjet që jemi të lidhur me atë. Ne e dinim njeri të sigurt, mirëpo doli maskara. Ai vinte këtu te ne, më tha mua ku e keni burrin, se do ta marr në punë, i thash e kam këtu. Erdhi u njohën, bënë muhabet, e pastaj na tha, vajza jote ka krahë te unë, e ushqej unë, me të ngrënë, me të gjitha do ta mbaj unë. Vajza mbrëmë u tmerrua, më tha mami lojta nga mendë, i thashë cfarë ke me mami?”
Duke qenë se babai i saj nuk ishte në gjendje ta ndihmonte, 46-vjeçari përfitonte nga rasti. Ai e kishte dhunuar 13-vjeçaren dhe e kishte përdhunuar. E gjitha kjo ndodhte në sy të bashkëshotes së tij, e cila nuk flet, sipas Report tv.
Denoncimi në polici erdhi pasi e mitura i kërkoi ndihmë vajzës së autorit, që kishte të njëjtën moshë me të. Vajza e 46 vjeçarit i ka kërkuar shoqes së saj që ti jepte fund kësaj marrëzie. Por 13 vjeçarja e pambrojtur i ka kërkuar shoqes që ajo të flasë me të atin për të mos abuzuar më me të.
E gjendur përballë kësaj situate vajza e 46 vjeçarit i ka pohuar shoqes se kjo është e pamundur sepse askush në familje nuk mund ti kërkonte atij diçka të tillë, për shkak se ai ishte i dhunshëm. Pas kësaj bisede e mitura ka marrë guximin për të denoncuar 46 vjeçarin.
“Vajza shpreheshe, por mori policinë. U tha “jam shumë e shqetësuar ju lutem më ndihmoni”. Vajza më thoshte që donte ta godiste, ta përdhunonte, e kishte rrahur, e dinte ai që babai nuk është në gjendje ta mbrojë. Unë kërkoj të dënohet dhe të mos afrohet,nuk e dua më atë lloj familje,ajo familje është shumë e shkatërruar,ju lutem shumë, nuk kam besim më, unë atë familje e dija të besuar. Kam nevojë shumë për ndihmë edhe është e mira që të më ndihmoni. Ndihem e dëshpëruar, e mërzitur, shpresoj vetëm te shteti, në asnjë vend tjetër. Vajza është shumë e mërzitur, e trishtuar, nuk shprehet kollaj vajza ime”, ka thënë nëna.
