Të gjithë jemi përfshirë nga atmosfera e festave të fundvitit dhe kemi filluar të bëjmë plane se si dhe ku do t’i kalojmë. Për ata që do të festojnë jashtë shtëpisë natën e ndërrimit të viteve është e rëndësishme të dinë se si do të jenë kushtet meteorologjike.
Në tre ditët në vijim pritet që i gjithë vendi të pushtohet nga reshjet dhe vranësirat, mirëpo për dy ditët e fundit të 2017-ës, situata do të ndryshojë tërësisht.
Që prej ditës së shtunë temperaturat do të fillojnë të rriten dhe vranësirat do të zhvendosen, duke bërë që natën e ndërrimit të viteve moti të jetë më i favorshëm.
Në datën 31 dhjetor, si në Veri dhe në Jug do të ketë mot me diell, ndërsa në Tiranë, temperaturat maksimale sipas “BBC Weather” në këto dy ditë do të jenë 9 dhe 11 gradë celsius.
