Doni të blini një çantë Louis Vuitton origjinale, por ku mund ta gjeni më lirë? Londra është tashmë vendi më i lirë për të blerë një çantë të tillë. Sipas kërkimeve nga Deloitte, shumë produkte luksoze tani kushtojnë më lirë me kthimin e dollarit në Britani, se në çdo shtet tjetër.
Çanta Louis Vuitton Speedy 30 është 802 dollarë në Londër, krahasuar me 850 dollarë në Paris, 970 dollarë në Nju-Jork dhe 1,115 dollarë në Kinë.
Kjo rënie lidhjet me rënien e sterlinës, e cila ka rënë me më shumë se 17% kundrejt dollarit që në qershor, si rezultat i Brexit.
“Trendi i çmimeve të mallrave luksoze në Britaninë e Madhe lidhet me rënien e sterlinës, gjë që e bën të njëjtën gjë më të përballueshëm në tregun britanik se sa në çdo treg tjetër. Njerëzit nuk duan që të paguajnë më shumë për të njëjtin produkt”, u shpreh Nick Pope, “truri” i modës dhe luksit në Deloitte, për BBC.
Sipas raportit 64% e produkteve luksoze ishin tani më të lira në Britaninë e Madhe, që lidhet edhe me rritjen e numrit të turistëve që blejnë në këtë shtet.
Burimi: Harper’s Bazaar
