32-vjeçari, Calvin Harris kryeson listën e fitimeve për vitin 2016. DJ skocez, i cili është njëkohësisht producent, këngëtar, kompozitor, numëron shumë hite në repertorin e tij, duke përfshirë edhe këngët e prodhuara për këngëtarët e tjerë.
Ai ka pasur një vit shumë të suksesshëm deri më sot, duke u ngritur në fronin e listës së publikuar nga “Forbes”, për DJ e muzikës elektronike me më shumë fitime, me të ardhura prej 63 milionë dollarë.
Me plot 25 milionë dollarë më pak se vendi i parë, renditet DJ Tiesto. Vendi më i ulët i podiumit mbahet nga David Guetta me 28 milionë dollarë. Ajo çfarë na bën përshtypje është se në Top 10, nuk renditet asnjë femër.
Ja lista e plotë e 10 DJ-ve më të paguar për vitin 2016 sipas Forbes:
1- Calvin Harris 63 milionë dollarë
2- Tiesto 38 milionë dollarë
3- David Guetta 28 milionë dollarë
4- ZEDD 24.5 milionë dollarë
5- Steve Aoki 23.5 milionë dollarë
6- Diplo 23 milionë dollarë
7- Skrillex 20 milionë dollarë
8- Kaskade 19 milionë dollarë
9- Martin Garrix 16 milionë dollarë
10- Dimitri Vegas & Like Mike 15.5 milionë dollarë
