Dua Lipa është kthyer në sensacionin më të ri të mediave ndërkombëtare me muzikën e saj dhe intervistat e fundit. Këtë herë ajo ka folur për “SPIN Magazine”, për idhujt e saj në muzikë dhe fillimin e vështirë të karrierës.
Në këtë intervistë ajo ka treguar se kur ishte vetëm 13 vjeç, prindërit e saj vendosën të ktheheshin në Kosovë, në shtetin e tyre të origjinës, për të cilin Dua është shumë krenare, megjithatë asaj i duhej të vendoste nëse do t’i ndiqte ata apo do të jetonte vetëm në një qytet të madh si Londra.
Ajo nuk donte të ishte një yll i muzikës së Kosovë, por donte të bëhej një yll ndërkombëtar dhe kështu ndodhi. Kështu që kur ajo mbushi 15 vjeç filloi të jetonte vetëm.
“Nuk jam e sigurt nëse kuptoja se çfarë po bëja, çfarë ishte të laje pjatat e tua, lavatriçet e tua. Isha shumë e keqe në punët e shtëpisë”, është shprehur ajo.
Dua Lipa ka treguar edhe për një periudhë të vështirë në të cilën i është dashur të punojë për të siguruar para ndërkohë që mblidhte lekë për të bërë muzikë.
“Isha pritëse në një restorant meksikan, dhe për më tepër nuk më pëlqen farë ushqimi i tyre. Aty të gjithë ishin të dehur dhe më ngacmonin me lloj-lloj fjalësh”.
Gjithashtu këngëtarja e hitit ‘Hotter than Hell’ ka thënë se ka idhull Beyonce-n, Nelly Furtado-n dhe Pink-un.
