Prej muajsh Capital T ka lajmëruar fansat se do publikojë albimin e tij të ri me një emër krejt të veçantë “Skulpturë”, që pritet të bëjë namin këtë verë.
Ditën e sotme, sikundër kishte paralajmëruar këngëtari, është lançuar edhe kënga e parë e albumit, e cila mban titullin ” Tu festu” dhe deri tani duket se po pëlqehet shumë nga fansat.
Kënga duket se i dedikohet triumfeve dhe sukseseve të Capitali T, që pavarësisht pengesave, ia ka dalë të arrijë majat dhe tashmë i ka mbetur thjeshtë të festojë e të pijë një gotë për to.
Kujtojmë se albumi është i ndarë në dy pjesë dhe deri tani nga pjesa e parë kanë mbetur pa u publikuar dy këngë: “C’est la vie” dhe bashkëpunimi me Money x Jay 1. Kjo pjesë përbëhet nga 7 këngë, mes të cilave edhe bashkëpunimi me Ledrin.
Sakaq, pak dimë nga pjesa e dytë e albumit, që pritet të publikohet së shpejti dhe përbëhet nga 8 këngë, 4 prej të cilave bashkëpunime, që ende nuk janë zbuluar nga autori i hitit ‘Akull’.
E dimë se mezi po prisni të keni në dorë ‘Skulpturën’ e Capital T, por duhet të duroni edhe pak fare.
https://www.instagram.com/p/CCBLKF9hxxW/?igshid=11bl6zbgbtsml
