Lyrical Son mund të jetë babai më i ëmbël i showbiz-it shqiptar.
Reperi i njohur i grupit “PINT” tregon herë pas here se ka një marrëdhënie shumë të afërt me bashkëshorten, Gresën, dhe me vajzën e tyre Evën. Veçanërisht këto kohë, kur i është dashur të qëndrojë gjatë larg të bijave, rikthimi pranë familjes duket se e ka lumturuar tejmase.
Lyrical Son ndau në Instagram momentin e ritakimit në aeroport me familjen, që jeton në Shtetet e Bashkuara. Prej shumë muajsh në Kosovë për shkak të projekteve muzikore, emocionet janë mëse të dukshme në fotot e postuara prej Gresës, ku “kaçurelja babit”, siç e quan, e puth plot mall reperin.
“Babi është këtu!”, shkruajti Gresa në Instastory, ku ndau live momentin e ribashkimit me të shoqin.
“Na mungove kaq shumë”
Gresa dhe Lyrical u çmallën sigurisht, edhe me njëri- tjetrin.
Lyrical Son dhe MC Kresha kanë qenë të angazhuar për përfundimin e albumit “United State of Albania”, i cili u publikua në shkurt.
Albumi përmban jo pak, por 23 këngë, shumica e të cilave janë bashkëpunime me artistë të tjerë të njohur.
Në janar, Lyrical Son ishte ende i zënë dhe për këtë, s’mundi të ishte pranë familjes në ditëlindjen e Evës, e cila mbushi 3 vjeçe.
Ai e uroi të bijën në një postim emocionues ku shprehet se i dhemb shpirti pse s’mundi të festonte me të.
“Urime zemër, ishalla edhe plot tjera me shëndet e lumtuni. Po më dhemb shumë qe s’t’kom ngat me ta uru qysh duhet e me ta puth at’ f’tyrë të bardhë. Të dua shumë kaqurrelja e Babit. P.S: puthe Mamin për mu. Ju dua e shihem’ shpejt kismet.”
Po në janar, reperi dhe bashkëshortja u lumturuan me një vajzë të dytë, e cila erdhi në jetë në 28 janar. Ata e quajtën Erika.
