Këngëtarja e njohur Britney Spears është fotografuar për herë të parë në publik pas ndarjes nga Sam Asghari.
41-vjeçarja, e cila po i jep fund martesës me Asghari, pas vetëm një viti u fotografua në mbrëmje, në një fast-food. Ajo doli nga restoranti me një pije në dorë së bashku me ekipin e saj të sigurisë mes raportimeve që divorci i saj po bëhet çdo ditë më i vështirë. Kjo paraqitje e saj vjen menjëherë pasi Britney, e cila ka një pasuri neto prej 60 milionë dollarësh, theu heshtjen e saj për ndarjen për herë të parë, duke pranuar se ishte “pak e tronditur”.
Këngëtarja beqare dukej e dëshpëruar dhe i kishte lënë flokët e saj bionde të çrregullt dhe ishte me pak makeup.
Në postimin e saj të fundit në Instagram, ajo shkroi në një video të saj duke kërcyer nëpër dhomën e saj:
“Nuk mund ta duroja më dhimbjen sinqerisht! Kam marrë kaq shumë mesazhe që më ngrohin zemrën dhe ju falënderoj! Kam luajtur fort për një kohë të gjatë dhe Instagrami im mund të duket i përsosur, por është larg realitetit dhe mendoj se të gjithë e dimë këtë!”.
Nëna e dy fëmijëve tha se do të donte të tregonte emocionet dhe lotët e saj në internet, por gjithmonë ndjen nevojën për të fshehur dobësitë e saj.
