Ajo është shtatzënë me fëmijën e katër të Ronaldo-s. Georgina Rodriguez, e dashura e futbollistit Ronaldo pozoi për herë të parë për revistën “Hola!”.
Fjalët kanë kohë që qarkullojnë rreth shtatzënisë dhe kjo është hera e parë që modelja pozon haptazi me barkun e rrumbullakosur.
Modelja 23-vjeçare ka folur për hobit e saj dhe si e mban veten në formë: “Në jetën time të përditshme, më pëlqen të kujdesem duke u marrë me sporte dhe duke ngrënë në mënyrë të ekuilibruar. Përpiqem të ha ushqime natyrale dhe të lehta,” thotë ajo. Gjithashtu, Georgina nuk ndjek asnjë dietë dhe kur ka neps për diçka, e ha pa u menduar dy herë.
“Nuk ndjek asnjë dietë strikte dhe nëse kam ndonjë neps, e ha. Çdo të ishte jeta pa kënaqësitë e vogla. “Georgina është e apasionuar pas baletit, një veprimtari që e ka ndjekur që kur ishte katër vjeç dhe është emëruar mësuese në Royal Academy of Dance në Londër. Format e saj trupore janë rezultat i jogës dhe ‘spinning’.
“Kam kërcyer balet që kur isha katër vjeçe. Formimi im në kërcim klasik më ka bërë të vlerësoj shumë dashurinë për artin, shoqërinë, disiplinën dhe rëndësinë e një jete të shëndetshme”, thotë Georgina.
Gjithashtu, ajo zbuloi disa detaje të personalitetit të saj:
“Jam shumë njeri familjar, i dua shumë fëmijët, natyrën dhe kafshët. Kam një mace prej 13 vitesh dhe është mikja ime më e mirë. Më pëlqen ta rrethoj veten me njerëz që më frymëzojnë të jem njeri më i mirë, që më përcjellin energji pozitive.”
