Shpallja fitues e këngëtarit Eugent Bushpepa, në festivalin e fundvitit në RTSH, u prit mirë dhe gëzoi shumë fansa të tij.
Por një nga fanset më të mëdha është e dashura e Gentit, Andia, e cila ndoqi nga afër performancën në natën finale dhe jo vetëm.
Kënga ‘’Mall’’ në fakt ishte një dedikim për Andian me të cilën Genti bashkëjeton prej më shumë se 6 vitesh.
Pas fitores Genti ende pa u përshëndetur me të dashurën, që e priste në podium, iu desh të jepte intervistat e para, fotot e para, të përballej me gazetarët në post festival dhe pastaj të largohej i lumtur bashkë me kupën.
Andia vazhdonte të priste atje, në sallën e boshatisur nga njerëzit sikundër duket në këtë fotografi të “Panoramës”.
Ashtu siç kanë rrëfyer ata në një studio televizive rreth një viti më parë ,dashuria mes tyre lindi në lokalin ku këngëtari i muzikës rrok këndonte. Çifti ka një marrëdhënie të konsoliduar dhe nuk dihet nëse do të ketë martesë. Gjithsesi ata duken shumë të lumtur bashkë.
