Blake Lively ka shprehur mbështetjen e saj për Taylor Swift në lidhje me publikimin e albumit të saj të ri duke i dhënë fund thashethemeve për një ndarje të miqësisë së tyre, mes mosmarrëveshjes ligjore të aktores me bashkë-yllin e saj, Justin Baldoni.
Miqësia e gjatë e Taylor Swift dhe Lively kishte filluar të vihej në pikëpyetje në muajt e fundit, pasi shumë besonin se çështja ligjore e aktores me Baldonin kishte shkaktuar distancë midis tyre. Pavarësisht raportimeve për një ndarje, Blake Lively ka treguar se marrëdhënia e tyre nuk ka mbaruar plotësisht, duke reaguar pozitivisht ndaj publikimit të albumit të ri të Swift, “The Life of a Showgirl”.
Swift njoftoi publikimin e albumit të enjten, më 3 tetor, nëpërmjet Instagram-it, duke shkruar: “Sonte, të gjitha këto jetë bashkohen këtu. Të qeshura dhe kokteje të bëra nga lotët, ku shpirtra të ngjashëm këndojnë të njëjtat këngë. Dhe është e bukur, është magjike, është tmerruese. Nuk mund ta përshkruaj sa krenare jam që e ndaj këtë me ju – një album që thjesht ndihet kaq i duhur. Falënderime të përjetshme për mentorët dhe miqtë e mi, Max dhe Shellback, të cilët ndihmuan në pikturimin e këtij portreti. Nëse menduat se shfaqja e madhe ishte intensive, ndoshta duhet të hidhni një vështrim pas perdes. ‘The Life of a Showgirl’ është publikuar tani .”
Shihni postimin e saj:
Edhe pse Swift i kishte çaktivizuar komentet poshtë postimit, fansat e saj vunë re se Blake Lively ishte midis shtatë milionë njerëzve që klikuan “pëlqej”. Ky gjest në dukje i thjeshtë u pa nga ndjekësit e saj si një shenjë e qartë se miqësia e dy yjeve mbetet e fortë, pavarësisht asaj që po shkruhet.
Blake Lively ngriti një padi kundër bashkë-yllit të saj në filmin “It Ends With Us” në dhjetor 2024, duke e akuzuar atë për ngacmim seksual dhe përfshirje në një “fushatë shpifjeje” kundër saj. Baldoni i mohoi akuzat dhe çdo shkelje.
Menjëherë pas kësaj, aktori kundërpaditi me një padi kundër Lively dhe bashkëshortit të saj, Ryan Reynolds, duke kërkuar 400 milionë dollarë dëmshpërblim një çështje që u rrëzua nga një gjyqtar në qershor.
Ndërkohë, ekipi ligjor i Baldonit pretendoi se Taylor Swift kishte pranuar të dëshmonte si dëshmitare në këtë çështje. Avokati i Swift u përgjigj menjëherë, duke mohuar thashethemet dhe duke theksuar se këngëtarja “nuk ka përfshirje substanciale” në procedurat gjyqësore.
