Adele ka shumë emocione për muzikën dhe audiencën e saj.
Këngëtarja 35-vjeçare së fundmi ka shfaqur koncerte çdo fundjavë në Caesars Palace në Nevada. Megjithatë, para dhe pas çdo shfaqjeje të saj, Adele është e brishtë. Sipas një raporti të DailyMail, ylli ka aq shumë emocione të përziera gjatë koncerteve të saj sa nuk mund t’i kontrollojë ato.
Si pasojë, ajo përfundon duke qarë para dhe pas çdo emisioni, siç zbulohet nga një burim pranë saj.
“Adele po përjeton një sërë emocionesh gjatë performancave të saj. Publiku i saj mund të mos e dijë këtë, por këto shfaqje janë aq të rëndësishme për të sa ajo qan çdo herë para apo edhe pas performancës së saj. Madhësia e spektaklit dhe suksesi i saj është aq mbresëlënës saqë ajo qan pak para apo edhe pas shfaqjeve”, tha burimi.
Adele do të publikojë një video në lidhje me koncertin e saj të zgjatur së fundmi në Vegas dhe burimi nga Colosseum shtoi se kjo do të bëjë që edhe më shumë fansa të dëshirojnë ta shohin atë live.
