Prej disa kohësh, aktori i njohur Gaz Paja ka pohuar se po shijon një histori dashurie me një vajzë bjonde.
Ai bëri pak muaj më parë një deklaratë të rrallë për partneren, duke e cilësuar atë si “e bukura e dheut”.
“Nuk kemi akoma, as bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ajo është ndryshe, që është diçka shumë e mirë. Ndihem vërtet mirë”, u shpreh gjatë intervistës humoristi.
Pavarësisht se aktori nuk dha asnjë detaj, mediat zbuluan në atë kohë se partnerja e tij quhet Ira Seferi dhe ka përfunduar studimet “bachelor” në Universitetin “Aleksandër Moisiu”, në Durrës.
Por tashmë publikohet më në fund një foto zyrtare e çiftit dhe mund të themi që Gazi ka shumë të drejtë.
Dyshja është fotografuar së fundmi në mbrëmjen e çmimeve “Kult”, ku Ira buzëqesh para kamerës.
Ata janë fotografuar edhe më herët bashkë, ndërsa po frekuentonin një prej lokaleve në zonën e ish-Bllokut.
