E keni vënë re edhe ju?
Humoristët kanë ditur t’ua fitojnë zemrën disa prej vajzave më të bukura të ekranit shqiptar dhe jo vetëm.
Ndoshta sepse të bësh humor kërkon njëfarë inteligjence dhe një djalë inteligjent nuk është kurrë ide e keqe.
Por, edhe sepse nuk ka asgjë që të bën të dashurohesh më tepër sesa dikush që të kthen buzëqeshjen.
Këtë, e tregojnë edhe këta djem të famshëm të skenës së humorit shqiptar që duket se ua kanë marrë zemrën vajzave simpatike që kanë në krah.
Sot, Albano Bogdo publikoi për herë të parë një foto me të dashurën e tij.
Fanatik për jetën private, humoristi postoi një foto ku nuk dallohet kush është vajza bjonde e megjithatë, poza i tregon të dy shumë të dashuruar dhe vajza duket shumë simpatike!
Gaz Paja
Jo më larg se dy javë më parë humoristi i njohur Gaz Paja u martua me një vajzë të quajtur Ira Seferi.
Bukuroshja bjonde duket vërtet e dashuruar pas aktorit të “Portokalli” në çdo foto.
Ermal Mamaqi dhe Ami
Mund të themi se këta të dy e nisën të gjithën.
Ami dhe Ermali u dashuruan gjatë kohës kur punonin në “Portokalli” dhe sot janë të martuar me dy fëmijë, ndërsa mbeten ndër çiftet më të suksesshëm të shoëbiz-it shqiptar.
Xhensila dhe Besi
Shembulli klasik tashmë i kësaj për të cilën po flasim.
Bes Kallaku e ndaloi në rrugë kur Xhensila ishte me mamin dhe i tha asaj: “Sa me fat qenke qe ke nje vajze kaq te bukur”. Kush mund t’i rezistojë kësaj?
Florian Binaj dhe Sadina Alla
Florian Binaj është i martuar me ish- Miss Universe Albania-n, Sadina Alla.
Lidhja e tyre ka nisur që kur ata ishin në lice, të dy studentë të pikturës.
Sot, Sadina iu është dedikuar tërësisht dy fëmijëve të tyre.
