Një video në bregdetin e Kanës, e ka vënë Albana Osmanin në shenjestër për krahasime me Elvana Gjatën.
Themeluesja e nismës humanitare “Ti je një luledielli” ishte dje e ftuar në galanë e bamirësisë amfAR, ku u shfaq e veshur me një fustan Tarik Ediz.
Sot, Albana përfitoi nga rasti për të bërë një shëtitje në bregdetin e famshëm të Kanës, Francë, ku e veshur me një fustan Ajola Lekaj bëri një video të cilën e postoi në Instagram.
“Të zgjohesh në një festë dallgësh!”, shkruajti Albana në postimin e saj, “Videon ma bëri Brad Pitt-i, edhe atë e kam shok.”
Dje, Albana ironizoi në postimin e fotos me Adriana Limën, duke shkruajtur:
“Me shoqen time”
Mirëpo, një komentuese mendon se videoja e Albanës është një imitim i fotove të Elvana Gjatës në breg të detit pak ditë më parë.
Edhe këngëtarja ishte në Kanë për të promovuar bashkë me Ermal Mamaqin filmin “Dy Gisht Mjaltë”.
Ajo postoi disa foto në breg, e veshur me një kostum gri me temina.
“U bëtë të gjithë si Elvana po s’ka gjë, kush ka qejf le ta bëjë”, i shkruan Albanës komentuesja.
Albana iu përgjigj direkt, duke argumentuar se pozat në breg të detit nuk janë pronë e Elvanës dhe e askujt tjetër, dhe se video të tilla i ka bërë që në 95-ën.
“Bëje dhe ti! Deti është i joni, i ne të gjithëve! Kam bërë video të tilla që në vitin 1995. Kujt i plasi! Shijoje jetën!”
Në fakt, shëtitja dhe shkrepjet buzë detit të Kanës janë një ritual i njohur për shumë aktore dhe yje që kanë qenë pjesë e festivalit, që në edicionet e tij të para.
