Kendall Jenner publikoi pak ditë më parë disa foto, në të cilat shihej duke pozuar e veshur me linjën e re të të brendshmeve që ka lançuar Kim Kardashian. Fansat vunë re se trupi i saj dukej jashtë standardeve normale në foto dhe shumë jo real. Kendall dukej në imazhe shumë perfekte, teksa binin në sy këmbët e saj tepër të gjata, barku i sheshtë dhe beli shumë i hollë. Mirëpo fansat, syshqiponjë që nuk ju shpëton asnjë detaj, ishin të bindur se modelja ka përdorur “photoshop” për ta bërë trupin e saj të dukej aq perfekt. Ata nxituan të krahasonin foto të modeles para dhe pas e vunë re se përmasat e trupit në fotot e fundit nuk ishin të vërteta.
“Në këtë foto ka përdorur photoshop. Kendall është shumë e bukur, por këto nuk janë përmasat e saj reale dhe të askujt tjetër nuk mund të jenë”,shkroi dikush në rrjete sociale.
Ndërkohë modelja ju është përgjigjur gjithë kritikuesve me një video të publikuar në rrjete sociale. Një javë pas akuzave, Kendall ka shfaqur trupin e saj të tonifikuar, teksa shfaqet duke pozuar vetëm me të brendshme para një pasqyre në tualet. Në këtë mënyrë ajo ju vërtetoi të gjithëve se nuk ka nevojë për ndërhyrje apo efekte për t’u dukur perfekte në fotot e saj.
