Ministria e Shëndetësisë ka publikuar rezultatet e testit të tre personave të dyshuar me koronavirus në Shqipëri.
Fatmirësisht, ata kanë rezultuar negativë ndaj virusit vdekjeprurës dhe nuk përbëjnë rrezik për përhapjen e epidemisë në vendin tonë.
Ministria e Shëndetësisë ka publikuar një njoftim ku konfirmon rezultatet negative të të dyshuarve.
“Ministria e Shëndetësisë dhe Mbrojtjes Sociale informon se mëngjesin e sotëm ka përfunduar testimi i tre rasteve të reja të dyshuara në laboratorin e virologjisë në Institutin e Shëndetit Publik, me histori udhëtimi me vendet e prekura nga koronavirusi COVID-19, të cilat kanë rezultuar NEGATIVE. Deri në këto momente janë testuar 26 raste për koronavirusin e ri. Duke ju ftuar t’i referoheni burimeve zyrtare, Ministria e Shëndetësisë dhe Mbrojtjes Sociale ju bën me dije se do të informojë në vijimësi për situatën në vendin tonë.”- shkruhet në njoftimin e Ministrisë.
Deri tani, virusi ka shënuar 2920 të vdekur dhe mbi 85 mijë persona të infektuar.
