Bukuroshja e ekranit shqiptar, Marina Vjollca, shkëlqeu mbrëmë në ceremoninë e dasmës. Ajo veshi dy fustane klasike nusërie me një volum të madh që e bënin të dukej si princeshë.
Fustani i parë që e veshi në altar na magjepsi me bishtin 10 metër të gjatë që hapet si një herashkë mbi platformë dhe i vë vulën pamjes prej princeshe të nuses.
Ai kishte ardhur enkas për Marinën, i qëndisur me gurë Swarovski dhe perla. Pjesa e sipërme e luleve të bardha ia lë vendin me shumë delikatesë fundit voluminoz. Nga pas shihet një bisht madhështor. Këpucët i kishte zgjedhur Jimmy Choo.
Fustan i dytë ishte i punuar nga stilistja e Kosovës, Blerina Kllokoqi Rugova dhe realizim i ateliesë së saj, gjithashtu i punuar me dorë nga e para për mbi 840 orë. Në këtë fustan janë ndërthurur 6 lloje materialesh, gjithsej 250 metra, ku dominon mëndafshi i pastër, kombinuar me gurë Preciosa dhe Swarovski që po të vihen në një vijë krijojnë një gjatësi prej 4 km dhe me lule 3D të detajuara me pupla, me shkëlqim dhe kontraste.
