Eugent Bushpepa me këngën “Mall” do të jetë përfaqësuesi i Shqipërisë këtë vit në festivalin e muzikës europine, “Eurosong”. Një këngë që deri më tani është mirëpritur shumë mirë dhe shpresojmë që të na bëjë të gjithëve krenarë.
Mirëpo Eugent Bushpepa nuk është i vetmi këngëtar, i cili merr pjesë në “Eurosong”, pasi në këtë skenë të madhe do të këndojnë edhe Ermal Meta, që përfaqëson Italinë, dhe shqiptarja Eleni Fourera, e cila do të përfaqësojë Qipron.
Ndërkohë që kanë filluar edhe provat gjenerale, Eugent Bushpepa dhe Eleni Fourera janë takuar së bashku dhe i kanë dhënë mbështetjen e plotë njëri-tjetrit.
Në një foto të postuar nga Eugenti në Instagram, shihet se si dy këngëtarët shqiptarë shfaqen duke bërë simbolin e shqiponjës me duar.
