Dy motra shqiptare kanë arritur të përzgjidhen në garën e The Voice of Italy falë talentit të tyre.
Olti Curri ka publikuar mbrëmjen e djeshme një video të motrave Serena dhe Ina Sinani, të cilat mahnitën jurinë italiane dhe bënë që të katër anëtarët të ktheheshin për t’i kërkuar në skuadrën e tyre.
Gjëja më interesante ishte se ato kënduan shqip, këngën e Era Istrefit “Shumë pis” dhe sërish u përzgjodhën që të vijojnë garën.
“Urime dy motrave shqiptare Serena & Ina Sinani qe sot arritën të hyjnë në garën e @thevoice_italy ???❤️ duke kënduar @eraistrefi istrefi @sindollsofficial”, shkruante Olti.
Motrat u përzgjodhën nga artisti i njohur Gue Pequeno, për të cilin thanë se është një frymëzim i madh.
