Dy lëkundje njëra pas tjetrës janë ndjerë sërish në orën 1:24 të drekës në Tiranë.
Pas tërmetit të fuqishëm të orës 11:00 të paradites, kryeqyteti është tronditur sërish. Tërmeti i radhës me magnitudë 4.4, u regjistrua 13:24 minuta, i shoqëruar me të tjera lëkundje më të vogla. Tërmeti ka një thellësi prej 10 km dhe është regjistruar rreth 30 km larg Tiranës.
Mbi 40 tërmete janë regjistruar gjatë ditës së sotme dhe nuk dihet edhe se sa tërmete të tjera do të ndodhin.
Tërmetet kanë shkaktuar çarjes të dhjetëra banesave në vend, ndërsa nuk janë përllogaritur ende dëmet e plota.
Sizmologët pranë departamentit të Sizmologjisë në IGJEUM paralajmëruan se do të ketë lëkundje të tjera, por do të kenë magniturë të vogël.
Ndërkohë Kryetari i Bashkisë Erion Veliaj i bëri thirrje qytetarëve të evitojnë ndërtesat derisa të sqarohen të gjitha rrethanat nga autoritet.
