Sot është një ditë shumë e veçantë për moderatorin e njohur nga Kosova, Labinot Gashi. Ai ka dy arsye të mëdha për të festuar. Bashkëshortja e tij, Qëndresa Bajrami feston sot ditëlindjen, por gjithashtu në këtë datë çifti ka zyrtarizuar me fejesë lidhjen e tyre të dashurisë.
Këto dy gëzime të mëdha të jetës së tij e kanë shtyrë moderatorin e njohur që të bëjë një dedikim shumë emocionues për bashkëshorten e tij. Sikurse thotë në dedikimin e tij, kjo nuk është më vetëm dita e preferuar e Qëndresës, por edhe e tij.
“Kjo datë, pasmesnate, më jep ndër kujtimet më të bukura në jetë. Janë nga ato kujtime që çdo ditë shtohen e rriten me dashnin për njëri-tjetrin. Qëndresa, ditëlindja jote nuk është më vetëm dita jote e preferuar, është edhe e imja. Urime për ty, urime për të dy ne edhe ky përvjetor i bukur i fejesës. E paçim njëri-tjetrin përjetë! T’dua.” – janë fjalët e zemrës së Labinotit kushtuar bashkëshortes.
