Futbollisti Italian Manolo Gabbiadini ka dalë pozitiv në testin për Koronavirus, pasi shfaqi disa simptoma të ngjashme me gripin. Lajmin e ka bërë vetë publik sulmuesi italian i Sampdorias pasi kishte bërë analizat e nevojshme.
Por katër ditë më parë, të dielën më 8 mars, Gabbiadini ishte titullar në fitoren e Sampdorias 2-1 ndaj Hellas Veronës, ku luajnë edhe dy futbollistë shqiptarë.
Është fjala për futbollistët Marash Kumbulla dhe Amir Rrahmani, të cilët janë vetëizoluar pas përballjes me sulmuesin e infektuar.
Verona i ka dërguar futbollistët në karantinë për dy javë dhe ka njoftuar se klubi do të marrë hapa për të përgatitur të gjitha procedurat e nevojshme (lexo këtu).
Vetë Amiri ka bërë një postim të fundit në Instastory, ku shfaqet duke parë një ndjeshje nga televizori dhe duke u shprehur se i mungon ta dëgjojë live zhurmën e saj.
“Iconstyle.al” ka kontaktuar me Rrahmanin dhe është në pritje në një përgjigjeje.
I riu 26-vjeçar është përfolur së fundi për një lidhje me aktoren simpatike Anna Lika. Ishte iconstyle.al që konfirmoi romancën mes dyshes që ka pak kohë që ka nisur.
Lidhja u konfirmua pasi në rrjetet e tyre sociale ata publikonin foto ku shfaqeshin në të njëjtin vend dhe të fundit e kishin nga Franca.
Pak ditë më parë, aktorja ka publikuar në Instagram një foto ku shfaqet e veshur me bluzë të bardhë të firmës Balmain e njëjtë me atë të futbollistit të njohur.
