Me siguri e keni dëgjuar bashkëpunimin fantastik të Taynës me reperin Azet por edhe nëse jo, s’ju lëmë të ikni nga këtu pa i hedhur një sy.
. Menaxheri i Tayna-s, Rinor Hykolli, ishte i pari që konfirmoi duetin në një farë mënyre, pasi ripostoi një video nga fansat e reperes ku shkruhej se së shpejti të dy artistët do bashkonin forcat për një bashkëpunim mes tyre.
Projekti i titulluar “Ti harro” i ka pëlqyer shumë publikut, aq sa kjo këngë ka arritur sukses të madh brenda dy ditëve në Youtube.
Në dy ditë, “Ti harro” ka 2 milion klikime dhe sigurisht kjo është për t’u duartrokitur.
Këtë sukses e ka njoftuar vetë Tayna në llogarinë e saj, teksa i jep virtualisht dy milionë përqafime ndjekësve të saj.
Sa i përket pjesës profesionale, Tayna ka rezervuar shumë surpriza sepse së shpejti ajo do të vijë me një tjetër bashkëpunim.
“Prive” ka mësuar se ajo ka bashkuar forcat me një prej reperëve më në zë të momentit, Don Xhonin. Dyshja do të vijnë shumë shpejt me një bashkëpunim, që ndryshe nga “Magdalena” me Florin nuk do të ketë në qendër një histori dashurie.
Kënga tashmë është finalizuar dhe mbetet vetëm të vendoset për datën e publikimit. Mezi po e presim!
