Pak ditë më parë, 23-vjeçarja Kylie Jenner ndau në rrjete sociale një video të dushit të saj, teksa reklamonte produktet e firmës së saj “Kylie Skin”.
E gjithë bota i kishte sytë nga dushi i Kylie-t, uji i të cilit ishte pa presion. Madje, videoja e dushit u kthye në meme dhe të gjithë nisën të qeshin me faktin që një miliardere si Kylie s’ka ujë me presion për t’u larë.
https://twitter.com/caitlinsincs/status/1350765458690084864?ref_src=twsrc%5Etfw%7Ctwcamp%5Etweetembed%7Ctwterm%5E1350765458690084864%7Ctwgr%5E%7Ctwcon%5Es1_&ref_url=https%3A%2F%2Fwww.elle.com%2Fculture%2Fcelebrities%2Fa35246282%2Ftwitter-kylie-jenner-shower-pressure%2F
Duke parë për ditë të tëra dushin e saj në Internet, Kylie-t duket se i ka ardhur në majë të hundës dhe më në fund ka vendosur të reagojë.
Ajo ka ndarë me ndjekësit në InstaStory një video të dushit të shtëpisë së saj, duke treguar se në fakt dushi që kishte publikuar më herët ndodhej në zyrat e saj.
Kylie tregoi se edhe me dushin që kishte ndarë më herët s’kishte asnjë lloj problemi, por duke qenë se të gjithë po shqetësoheshin për ujin me presion, 23-vjeçarja tregoi se dushi i saj ka mjaftueshëm presion.
Ajo pranoi se dushi i shtëpisë ishte tepër komod dhe temperatura e tij rregullohej nëpërmjet pajisjes elektronike, duke shpresuar që të gjithë të kishin hequr “merakun” e tyre dhe askush të mos merrej më me këtë çështje.
