Një polic me iniciale A.L është pezulluar nga puna për shkak të komunikimit jo etik me një pushues në Durrës.
Turisti kosovar, Menson Hyseni prej disa ditësh ndodhej në Durrës me pushime dhe në shtëpinë ku qëndronte me qira i janë vjedhur tre telefona.
Hyseni ka kërkuar ndihmën e policit për zgjidhjen e situatës dhe në vend të mbështetjes ka marrë kërcënime.
Fjalët e policit:
Polici: Po kjo moda juaj ore buri i dheut
Po ku model juaj ore buri i dheut
Polici: Mendohuni mirë se ku i keni lënë, mo m’thoni më se po doli pastaj për kallëzim të rremë do të shkoni në burg
Polici: Se do të vijë prokurori këtu
U bë e dhjetëra herë e këtyre njerëzve, po te ky pallat, te ky vend.
Biseda është regjistruar nga një kamera amatore e Hysenit, i cili pretendon se vjedhja është bërë nga persona që kanë pasur çelësin e derës.
Ai shton se është kërcënuar edhe nga pronari i shtëpisë, në prezencë të policëve dhe është detyruar nga ky i fundit që të nënshkruajë se i ka gjetur celularët, ndonëse nuk kishte gjurmë nga celularët e tij.
Pas bërjes publike të bisedës polici është pezulluar nga puna.
