Dikur ishte ajo që vendoste në pozita personazhe të ndryshëm, në rolin e moderatores, së fundmi ka qenë Floriana Garo ajo që ka treguar shumëçka nga jeta e saj.
Garo ishte e ftuar në “Glamour Zone”, duke shënuar intervistën e saj të parë pas shumë kohësh.
Në këtë bisedë moderatorja u “zbërthye”, duke ndarë me publikun detaje interesante. E një ndër to është jeta e saj si bashkëshorte dhe xhelozia ndaj partnerit.
E pyetur nga moderatorja e programit se kur ka qenë hera e fundit që ja ka hedhur sytë telefonit të burrit të saj, Floriana u tregua mëse e sinqertë.
“U shpesh, gjithmonë,”- u shpreh Garo.
Më tej ajo foli edhe për xhelozinë në çift, ku madje deklaroi se sipas saj një burrë i martuar nuk duhet të dalë fare.
“Kam xhelozi normale do thosha. Rasti i fundit në raste të rralla edhe del me kolegët dhe miqtë e tij dhe mua më duket sikur burri kur martohet nuk duhet të dalë fare më. Patëm një diskutim të tillë dhe i thashë jo s’duhet të dalësh, ç’është kjo? Je burrë i martuar nuk dilet,”- përfundoi Floriana.
Më herët moderatorja tani pjesë e politikës foli edhe mbi mbi thashethemin më të çuditshëm që ka dëgjuar rreth saj në gjithë këto vite.
Ndër të tjera shumë spontane, Floriana u shpreh se lajmi më i pavërtetë rreth emrit të saj ishte ai që ajo ka qenë e lidhur me një sheik.
“Që unë jam e lidhur me sheik nga Dubai. Që këta sheikët ma shtruan komplet rrugën për të vazhduar përpara. Nuk kam and qenë asnjëherë e lidhur me ndonjë sheik të Dubait, dhe nuk ka qenë as objektiv,”-tregoi Floriana.
