Kate Middleton mund të duket gjithmonë e qeshur dhe e ëmbël në daljet e saj publike, por brenda pallatit mbretëror nuk është kështu. Korrespondenti mbretëror Valentine Lowe foli në “Page Six” për Princeshën e Uellsit, duke zbuluar se “ajo është shumë më e ashpër se sa duket”.
“Gjëja interesante është se në prapaskenë, ajo është shumë më e fortë, shumë më e ashpër nga sa mendojmë. Ajo është kjo grua e këndshme, e cila vishet bukur, buzëqesh bukur dhe ofron punë bamirëse të pamohueshme. Shumë e konsiderojnë si të butë“, tha ai fillimisht.
Ai më pas iu referua akuzave të Harry-t dhe Meghan-it në intervistën e tyre me Oprah Winfrey, ku ata folën për “keqtrajtim” dhe la të kuptohej se “Kate Middleton e bëri Dukeshën e Sussex-it të qajë para dasmës së saj, por gjithashtu bëri komente raciste për fëmijën e tyre”.
Lidhur me këtë, ai tha: “E gjithë familja është e pikëlluar kur mësoi se sa të vështira kanë qenë vitet e fundit për Harry-n dhe Meghan-in. Problemet e ngritura, veçanërisht ajo për komentet raciste, janë shqetësuese. Edhe pse disa kujtime mund të ndryshojnë, ato do të merren seriozisht dhe do të rregullohen privatisht nga familja”.
“Ajo e di që një ditë do të jetë mbretëreshë dhe mendon me shumë kujdes se çfarë do të sigurojë stabilitet, siguri dhe forcë në institucionin e monarkisë. Ajo është e mirë, ka një zotërim shumë të mirë të pamjes, lojës afatgjatë”, tha ai në fund për Kate Middleton.
