Vogëlushi i Vesa Lumës, Liani, është një ndër fëmijët më të njohur të showbiz-it shqiptar, i cili ka rrëmbyer zemrat e të gjithëve me ëmbëlsinë e tij.
Ai shfaqet vazhdimisht në postimet e shumta të së ëmës në Instagram, ndërsa së fundmi na ka marrë vëmendjen me një duet me Vesën, ku këndojnë së bashku këngën “Shallow” të Lady Gaga-s dhe Bradley Cooper.
Liani dëgjohet të këndojë në anglisht dhe ne na bëri përshtypje talenti i tij i madh në muzikë, të cilin sigurisht e ka marrë nga të dy prindërit.
“E kam Bradley Cooper-in tim këtu”- shkruan Vesa krahas duetit më të ëmbël me të voglin.
Kujtojmë se prej disa muajsh këngëtarja është kthyer në Shqipëri dhe po jeton larg bashkështortit, i cili ndodhet në Zelandën e Re.
Më herët Vesa tregoi se këto ndryshime të mëdha kanë pasur ndikim në jetën e saj dhe kanë penguar frymëzimin e këngëtares, e cila momentalisht nuk e sheh veten të gatshme të sjellë projekte të reja muzikore.
