Lajmi për ndarjen e tyre bëri bujë anembanë botës. Pas 12 vjetësh së bashku, aktorja Angelina Jolie vendosi të ndahet nga bashkëshorti i saj Brad Pitt, duke paraqitur kërkesën e divorcit.
Por aktorja 41-vjeçare mund të jetë penduar për këtë veprim. Në titullin e revistës “Star” në SHBA thuhet se Angelina është penduar dhe kërkon Brad sërish.
Gjatë festës së Ditës së Falënderimeve të mbajtur më 24 nëntor, Angelina ka ndjerë mungesën e ish-bashkëshortit. “Pas 12 vitesh së bashku, ata kanë një marrëdhënie të veçantë. Angelina vazhdimisht po pyet veten nëse vendimi i papritur për ndarje mund të rikthehet”, tha burimi, duke shtuar se lufta mbi kujdestarinë e fëmijëve për Jolien ishte “një përvojë shumë e vështirë për aktoren”.
Aktorja pritet të shkurorëzohet ndërsa së bashku me gjashtë fëmijët është zhvendosur në Los Angeles. Në pritje të rezultatit të procesit gjyqësor, ndoshta mund të ndodhë edhe kthesa e madhe, ku çifti sërish do të bashkohet.
