Majk ka qenë në qendër të vëmendjes që në fillim të karrierës së tij në muzikë edhe për historitë e dashurisë. Ndarja nga Majlinda Zeka, fëmija i tyre Roan dhe romanca me Melitën, kanë qenë vetëm disa nga gjërat e jetës së tij private për të cilat është shkruar kudo në portale.
Tashmë reperi pranoi se është beqar, por në kërkim të dikujt me të cilën mund të kalojë gjithë jetën.
Në një intervistë për “Prive”, Majk ka folur për statusin e tij, duke na lënë të kuptojmë se nuk ka një të dashur krah tij.
“Kush tha që s’kam qejf (të gjej dikë me të cilën do të kaloj jetën), por nuk e kam gjetur”, u shpreh ai.
Ai tregoi se asnjë këngë e tij nuk i është dedikuar dikujt, përfshirë edhe kësaj të fundit “Krejt ti fala”, por ai është frymëzuar nga jeta e tij për t’i shkruar tekstet:
“Asnjë këngë e imja nuk është e dedikuar. Nuk mund të mos marrë copa nga jeta private, nga përditshmëria, për t’i vendosur në tekst”.
Burimi: Prive
